Палітвязень Арцём Мядзведскі збег з «хіміі»

З папраўчай установы №45 у вёсцы Сушкі Брэсцкай вобласці некалькі дзён таму збег 24-гадовы Арцём Мядзведскі. Ён быў асуджаны на 3 гады хіміі за грубае парушэнне парадку.

Мядзведскі збег з бальніцы ў Камянцы, куды трапіў з лёгкім страсеннем галавы. Дзе цяпер знаходзіцца асуджаны, невядома, адзначае «Медыязона» са спасылкай на ўласныя крыніцы.

За некалькі дзён да ўцёкаў палітвязня ў  адным з тэлеграм-каналаў былі апублікаваныя фота бруднага кароўніка ды счарнелыя трупы кароў, якія ляжаць у лужыне. Здымкі былі зробленыя, як сцвярджаецца, на адной з ферм комплексу "Белавежскі". У публікацыі таксама згадваецца Мядзведскі — аўтары запісу сцвярджаюць, што "адміністрацыя моцна цісне на вязняў і асабліва на маладых", ды прыводзяць яго ў прыклад.

Арцём Мядзведскі быў атрыманы 19 кастрычніка на працы. Арцёма пазналі па відэа з пратэстаў каля ГЦ "Рыга". Ён быў асуджаны за тое, што ўвечары 10 жніўня 2020 года ўдзельнічаў у акцыі пратэсту каля станцыі метро «Пушкінская» і выкаціў на дарогу камень. Па версіі абвінавачвання, гэта прывяло да блакаванні праезнай часткі.