Украіна пабудавала дамбу на мяжы з акупаваным Крымам

Гэта дазволіць падаваць ваду ў памежныя з Крымам раёны.

Новая дамба на Паўночна-Крымскім канале перакрыла ваду ў акупаваны Крым. Стацыянарную бетонную плаціну пабудавалі на мяжы мацерыковай Украіны з акупаваным паўвостравам, вядзецца ў сюжэце tsn.ua.
Зэканомленая вада з Кахоўскага вадасховішча павінна арашаць землі поўдня Херсоншчыны. Калі б канал перакрылі за некалькі дзясяткаў кіламетраў да адмінмяжы, дзе ёсць апошняя стацыянарная дамба, фермы на поўдзень апынуліся б пад пагрозай засухі. Таму ваду туды пускалі пад меншым ціскам, а фермеры сваімі сіламі ўзвялі дамбу з мяхоў з пяском. Цяпер жа знойдзена не часовае, а паўнавартаснае вырашэнне праблемы, якое дазволіць вырошчваць рыс і пшаніцу. "Цяпер у нас ёсць упэўненасць у заўтрашнім дні", — растлумачыў фермер Юрый Дудчанка.
Дамбу ўзвялі за год і патрацілі на яе 35 мільёнаў грыўняў. Збудаванне надзейна перакрывае працяг канала, не пускаючы ваду на акупаваную тэрыторыю. Спецыялісты кажуць, што працы па ўладкаванні новай дамбы будуць працягвацца. "Першы этап завершаны. Працяг — гэта стварэнне інфраструктуры. Лябёдкі, дзяжурныя памяшкання, ахова", — растлумачыў галоўны інжынер упраўлення Паўночна-Крымскага канала Уладзімір Абярэмак. Новая дамба мае засланку, якую ў любы момант можна адкрыць. Таму калі Крым вернецца ў Украіну, вадой напоўніцца яшчэ 300 кіламетраў Паўночна-Крымскага канала.