У Кіеве з-за залевы абваліўся мост
У Кіеве з-за залевы абваліўся Кірылаўскі пуцеправод. На месцы цяпер працуюць сталічныя камунальнікі. Месца абвальвання пуцеправода агароджанае, утварыўся затор.
Абвал Кірылаўскага пуцеправода ў Кіеве. Фота: rbc.ua
У Кіеве з-за
складаных умоў надвор'я ў сераду 25 ліпеня часткова абрынуўся пуцеправод на
скрыжаванні вуліц Кірылаўскай (былая Фрунзе) і Целігі. Пра гэта са спасылкай на
відавочцаў паведамляе ў сераду 112.ua.
На месцы цяпер працуюць сталічныя камунальнікі. Месца абвальвання моста цяпер агароджанае. Утварыўся затор, прастойвае грамадскі транспарт.
На Кіеў у сераду, 25 ліпеня, абрынуўся лівень з навальніцай і градам. У горадзе затоплены падземныя пераходы і дарогі, з перабоямі працуе наземны грамадскі транспарт.
Паводле korrespondent.net, 112.ua