Першая рэвалюцыя пакалення Z. Дасье ў карыкатурах

Пратэсты моладзі ў Непале, выкліканыя блакіроўкай сацсетак, прывялі да адстаўкі прэм'ер-міністра краіны. І гэта можа быць толькі пачаткам. Расказваем, што адбылося, пры дапамозе карыкатур.

Такім чынам, 4 верасня ўрад Непала распарадзіўся заблакаваць шэраг сацыяльных сетак і іншых сайтаў, у тым ліку YouTube, X, Reddit, LinkedIn, WhatsApp, Facebook, Instagram. Афіцыйныя падставы: яны не зарэгістраваліся ў адпаведнасці з новымі правіламі Мінсувязі. Зрэшты, усім было зразумела, што галоўнай прычынай забароны з'яўлялася крытыка непатызму і карупцыі чыноўнікаў у тых самых сетках. Нядзіўна, што мясцовыя мастакі выяўлялі, як прэм'ер Кхадга Прасад Шарма хоча займець каралеўскі трон.

Не будзем забывацца на цяжкую сацыяльна-эканамічную сітуацыю ў краіне, ахвярай якой з'яўляецца моладзь. Кожны чацвёрты непалец — жабрак. Не выпадкова на гэтым малюнку непальскага прэм'ера скідае з Гімалаяў юнак, які працуе кур'ерам — тыповая прафесія маладых людзей.

8 верасня ў сталіцы Непала Катманду тысячы маладых людзей выйшлі на акцыі пратэсту супраць крыміналізацыі сацсетак. Пратэстоўцы будавалі барыкады і закідвалі паліцыю рознымі прадметамі. У адказ паліцыянты адкрылі агонь, забіўшы як мінімум 20 чалавек. Атмасферу ў непальскай сталіцы ў гэтыя дні перадае гэты малюнак. 

У выніку 9 верасня было паведамлена аб адмене блакіроўкі сацыяльных сетак. Адразу пасля гэтага прэм'ер-міністр Кхадга Прасад Шарма Олі пайшоў у адстаўку. Аднак аглядальнікаў безумоўна цікавіць іншае. Пратэсты ў Непале — першая рэвалюцыя, якую арганізавалі прадстаўнікі пакалення «зумераў» — тэрмін, што ўжываецца ў свеце для пакалення людзей, якія выраслі ва ўмовах доступу да Інтэрнэту з ранняга ўзросту. Сацыёлагі і псіхіятры лічаць, што гэта негатыўна ўплывае на псіхіку. Таму часта «зумераў» выяўляюць як кагнітыўна недалёкіх людзей. На гэтым малюнку «зумеры» не ведаюць як адкрыць кнігу.

Але на прыкладзе Непала мы бачым, што «зумеры» здольныя на перавароты. І наўрад справа абмяжуецца адным Непалам. Рэвалюцыя ў Катманду адгукнецца рэхам у сацыяльных сетках «зумераў» па ўсім свеце і адаб'ецца на іх калектыўнай самаідэнтычнасці. Не дарма, адразу пасля Непала пачаліся беспарадкі ў Шры-Ланцы. А на гэтай карыкатуры прэм'ер Індыі тэрмінова патрабуе панізіць кошты на інтэрнэт, каб супакоіць мясцовых «зумераў».

Яшчэ далей ідзе аўтар гэтай карыкатуры. Ён лічыць, што справа не абмяжуецца азіяцкім рэгіёнам. На малюнку палітыкі з розных куткоў планету ў жаху назіраюць за трансляцыяй з Непала.