Дацкі вынаходнік атрымаў пажыццёвы тэрмін за забойства журналісткі

Дацкі вынаходнік, капітан падлодкі «Наўтылус» Петэр Мадсэн прысуджаны да пажыццёвага зняволення за забойства журналісткі Кім Валь.

Следства выявіла, што вынаходнік забіў журналістку падчас паездкі на падлодцы «Наўтылус», якую ён сканструяваў і пабудаваў, а затым расчляніў цела жанчыны.
Сам ён нейкі час сцвярджаў, што не датычны да знікнення Валь. Аднак пазней Мадсэн даў паказанні, што журналістка загінула на падлодцы ў выніку няшчаснага выпадку, а ён паспрабаваў «пахаваць яе ў моры».
Нарэшце, яшчэ пазней ён прызнаўся ў забойстве. Мадсэн заявіў, што журналістка памерла ад атручвання ўгарным газам, пакуль ён знаходзіўся на палубе. Пасля гэтага ён расчлянў яе цела і выкінуў за борт па частках.
Увечары 10 жніўня самая вялікая ў свеце прыватная падлодка «Наўтылус» выйшла з Капенгагена. На яе борце знаходзіліся два чалавекі: сам Мадсэн і журналістка з Швецыі Кім Валь, якая працавала над артыкулам пра вынаходніка.
З падарожжа вярнуўся толькі вынаходнік. Пазней паасобку былі знойдзены цела Валь, а потым ногі і галава. Рукі не знайшлі да гэтага часу.
Мадсэна арыштавалі па абвінавачванні ў забойстве. На кампутары ў яго офісе знайшлі відэа з абезгалоўленымі жанчынамі. Журналістка, якая знікла, супрацоўнічала з выданнямі Guardian, The New York Times.
Пажыццёвае зняволенне ў Даніі, як правіла, азначае на практыцы, што асуджаны праводзіць у турме 15-17 гадоў без права на датэрміновае вызваленне.

Паводле bbc.com