Папе Рымскаму перадалі «Беззаганнае Сэрца Марыі» ад Лукашэнкі

22 кастрычніка Апостальскі Нунцый арцыбіскуп Клаўдыё Гуджэроцці сустрэўся з Папам Рымскім Францішкам і перадаў падарунак ад Аляксандра Лукашэнкі — абраз «Беззаганнае Сэрца Марыі».



Catholic.by

Ікона выкананая ў старадаўняй беларускай тэхніцы работы па дрэве, якая называецца «сожскай сканню».

Як паведамілі ў Рымска-каталіцкай царкве ў Беларусі, пантыфік высока ацаніў гэты жэст і папрасіў перадаць словы падзякі і благаславенне беларускаму народу, паведамляе Тэлеграф.

Раней улады Беларусі запрасілі Папу Рымскага наведаць краіну. Пры гэтым не выключаецца і візіт кіраўніка беларускай дзяржавы ў Ватыкан.