З Маскоўскага РУУС Мінска машыны «хуткай дапамогі» вывезлі трох затрыманых
Колькасць затрыманых удзельнікаў маршаў пратэсту перавысіла 150.
Ілюстрацыйнае фота
Трох затрыманых мужчын павезлі машыны хуткай дапамогі пад канвоем з Маскоўскага РУУС Мінска. Пра гэта паведамляе Радыё Свабода са спасылкай на тэлеграм-канал «Спісы Акрэсціна».
Валанцёрам не ўдалося выявіць прозвішчы шпіталізаваных.
Затрыманых на акцыях пратэсту ў пастарунках доўгі час трымаюць на вуліцы з паднятымі рукамі.
Паводле тэлеграм-каналу «Спісы Акрэсціна», па стане на 17.50 затрымана звыш 170 чалавек, паводле Праваабарончага цэнтру «Вясна» — каля 150.