Украінская ўлада датычная да забойства журналіста Шарамета — сузаснавальнік OCCRP

Сузаснавальнік OCCRP (Organized Crime and Corruption Reporting Project (Цэнтр даследавання карупцыі і арганізаванай злачыннасці)) Дру Саліван лічыць, што да забойства журналіста Паўла Шарамета датычная ўкраінская ўлада.

Пра гэта ён сказаў у інтэрв'ю «Украінскай праўдзе».
«Што тычыцца Парашэнкі — мы не ведаем, ці ён замовіў забойства Шарамета або хто-небудзь з яго адміністрацыі, але думаем, што да гэтага мае дачыненьне ўкраінская ўлада», — сказаў ён.
«Улада свядома не даходзіла да праўды, не публікуе інфармацыю, якую павінна стаць публічнай. Мы да гэтага часу не пачулі адказу, Ігар (Усціменка, былы або цяперашні супрацоўнік СБУ, заўважаны на відэа з камер назірання ў ноч перад забойствам Шарамета — УП) працуе ў СБУ, ці ўжо звольнены і чаму, чым менавіта ён займаўся ў органах і т .д.», — адзначыў Саліван.
Журналіст лічыць, што забойства Шарамета гэтак жа, як і забойства Георгія Гангадзэ было палітычна матываваным.
«Абодва забойствы ва УП (журналістаў Украінскай праўды Гангадзэ і Шарамета — рэд.) былі, хутчэй за ўсё, палітычныя. Такія забойствы складаней раскрыць», — сказаў Саліван.
Ён таксама адзначыў, што 90% расследаванняў забойстваў журналістаў у свеце — не закрытыя.
Нагадаем, журналіст Павел Шарамет загінуў 20 ліпеня 2016 у Кіеве ў выніку выбуху аўто, за рулём якога ён знаходзіўся.
З самага моманту забойства следства адмаўлялася ад апублікавання істотнай інфармацыі аб ходзе расследавання, для якога была створана спецгрупа з прыцягненнем ФБР.
Аднак 8 лютага 2017 міністр унутраных спраў Арсэн Авакаў правёў прэс-канферэнцыю аб ходзе расследавання забойства Шарамета.
Такім чынам, на сённяшні дзень следства разглядае 5 версій здзяйснення забойства журналіста.
10 мая журналісты прадставілі фільм-расследаванне аб забойстве журналіста Паўла Шарамета. У прыватнасці, у фільме гаворыцца пра тое, што супрацоўнік СБУ быў каля дома Шарамета ў ноч перад забойствам.
Паводле hromadske.ua