У цэнтры Горадні прайшоў мітынг без электрычнасці, якую абяцалі забяспечыць ўлады

Улады не далі мітынгоўцам электрычнасці і гуку, як абяцалі раней. Дзяржаўнае тэлебачанне не вяло жывой трансляцыі, як у папярэднія дні.

Сабралася каля пяці тысяч чалавек з бел-чырвона-белымі сьцягамі, работнікі прадпрыемстваў. Мітынгоўцы скандавалі: «Лукашэнка, сыходзь», «Жыве Беларусь», «Верым, можам, пераможам».

За гарвыканкамам побач з мітынгам стаялі некалькі міліцэйскіх машын, за дзвярыма ў будынку гарвыканкаму былі відаць амапаўцы ў чорнай форме. Да людзей яны не выходзілі.

Мітынг ішоў каля гадзіны. Пасля гэтага адзін з выступоўцаў прапанаваў людзям прыйсці на наступны дзень а 19 гадзіне. Людзі хутка разышліся. Затрыманняў не было відаць. www.svaboda.org