Маці адваката Дзмітрыя Лаеўскага, які абараняе ў судзе Віктара Бабарыку, звальняюць з БДУ

Беларускі дзяржаўны ўніверсітэт з 17 красавіка не працягвае кантракт з выкладчыцай грамадзянскага права юрыдычнага факультэта Аленай Лаеўскай.

Як паведамляе ТГ-канал «Юрфак за праўду», сёння Алена Лаеўская правяла на факультэце свае апошнія пары.

Выкладчыца мае 22-гадовы стаж працы ў БДУ, у яе больш за 150 навуковых публікацый.

Сын Алены Лаеўскай — вядомы адвакат Дзмітрый Лаеўскі. Ён абараняе ў судзе інтарэсы экс-прэтэндэнта на прэзідэнцкую пасаду Віктара Бабарыкі.