Ваенныя заявілі пра захоп улады ў Гвінеі

У сацсетках з'явіліся фота і відэазапісы затрымання ваеннымі прэзідэнта Гвінеі Альфа Кондэ. Сапраўднасць гэтых відэа пакуль не пацверджана.

У афрыканскай дзяржаве Гвінея ў нядзелю, 5 верасня, ваенныя распачалі спробу дзяржаўнага перавароту. Як перадае агенцтва AFP, раніцай 5 верасня ваенныя выйшлі на вуліцы сталіцы краіны Канакры, відавочцы паведамляюць пра магутныя ружэйныя залпы.
Адзін з заходніх дыпламатаў на ўмовах ананімнасці пацвердзіў агенцтву AFP, што гаворка ідзе менавіта пра спробу ваеннага перавароту. Па звестках гэтай крыніцы, ваеннаму спецназу ўдалося захапіць прэзідэнцкі палац. Прычынай путчу мог стаць канфлікт паміж урадам Гвінеі і камандзірам ваеннага спецназа, мяркуе дыпламат.
У сацсетках з'явіліся фота і відэазапісы затрымання ваеннымі прэзідэнта Гвінеі Альфа Кондэ. Сапраўднасць гэтых відэа, аднак, пакуль не пацверджана.
Звесткі аб тым, што адбываецца ў Гвінеі на дадзены момант, супярэчлівыя. Па словах путчыстаў, ім удалося захапіць уладу ў краіне. У сваю чаргу, урад паведамляе, што спробу путчу атрымалася здушыць, паведамляе агенцтва AFP. Міністр абароны Гвінеі заявіў, што сілы бяспекі аднаўляюць парадак.
Пазней лідар путчыстаў ў Гвінеі Мамаду Дубайя пацвердзіў паведамленні аб арышце яго прыхільнікамі прэзідэнта краіны Альфы Кондэ, піша партал навінаў Guinee Matin. Думбайя абвясціў таксама аб закрыцці межаў, роспуску ўрада і парламента, прыпыненні дзеяння канстытуцыі. Усіх гвінейскіх ваенных ён заклікаў пакуль заставацца ў казармах.
Нягледзячы на ​​багатыя прыродныя рэсурсы, Гвінея лічыцца адной з самых бедных краін у свеце. На працягу апошніх некалькіх месяцаў гэтая дзяржава знаходзіцца ў стане глыбокага эканамічнага і палітычнага крызісу. Сітуацыю пагаршаюць наступствы пандэміі каронавіруса.
dw.com