Улады Аўстрыі хочуць адабраць ва ўладальніка дом Гітлера

Міністэрства ўнутраных спраў Аўстрыі хоча пазбавіць права на ўласнасць уладальніка дома, дзе нарадзіўся Адольф Гітлер. Пра гэта піша газета Oberösterreichische Nachrichten.

«Міністэрства вырашыла вывучыць шлях экспрапрыяцыі ў рамках адпаведных прававых дзеянняў. Пазбаўленне права ўласнасці — адзіны шлях, каб выключыць выкарыстанне дома ў мэтах нацыянал-сацыялізму», — цытуе газета прэс-сакратара міністэрства Карла-Ханса Грундбока. Пры гэтым цяперашняя ўладальніца дома атрымае кампенсацыю.
Гаворка ідзе пра трохпавярховы дом сям'і Поммер у горадзе Браўнаў-на-Іне, дзе ў 1889 году нарадзіўся Гітлер. Міністэрства ўнутраных спраў краіны з 1972 года з'яўлялася арэндатарам, а затым вяло беспаспяховыя перамовы з уладальнікам па выкупе дома. Ён выкарыстоўваўся для школьных заняткаў і як гарадская бібліятэка, а пасля спынення арэнды ўладаў у ім адкрываліся майстэрні і цэнтр для людзей з абмежаванымі магчымасцямі. З 2011 года дом пустуе.

Паводле kommersant.ru/