У Тэль-Авіве абрушыўся недабудаваны гандлёвы цэнтр

У Тэль-Авіве абрынуўся недабудаваны гандлёвы цэнтр. Пакуль вядома пра аднаго загінулага і 24 пацярпелых. Яшчэ чатыры чалавекі лічацца зніклымі без вестак.

Інцыдэнт адбыўся ў раёне Рамат-ха-Хаяль на паўночным усходзе горада. На месцы здарэння працуюць лекары і брыгады ратавальнікаў з пошукавымі сабакамі, паведамляе ВВС.
Адзін з параненых атрымаў траўмы галавы і знаходзіцца ў цяжкім стане. Яшчэ адзін чалавек атрымаў раненні сярэдняй цяжкасці, у астатніх лёгкія траўмы.
Раней прадстаўнікі паліцыі паведамлялі, што пад заваламі апынуліся пахаваныя сем чалавек.
Пазней з двума асобамі атрымалася ўсталяваць галасавы кантакт, і яны былі выратаваны з-пад абломкаў. Адзін чалавек быў знойдзены мёртвым.



Прычына абрушэння пакуль не вядомая. Як перадае ізраільскі дзясяты тэлеканал са спасылкай на відавочцу здарэння, будынак паваліўся, калі на яго ўпаў будаўнічы кран. На першых відэакадрах было відаць велізарнае воблака пылу, што накрыла тэрыторыю будоўлі.