The Guardian паведаміла аб магчымай адтэрміноўцы «Брэкзіта» на два гады

У Еўрасаюзе гатовыя адкласці "Брэкзіт" на два гады, калі Лондан звернецца з адпаведнай просьбай. Як паведамляе The Guardian, перанос "Брэкзіта" можа абыйсці праблему "бэкстопа".

У Брусэлі, верагодна, разглядаюць магчымасць адкласці выхад Вялікабрытаніі з Еўрасаюза на два гады. Пра гэта у панядзелак, 25 лютага, піша брытанская газета The Guardian са спасылкай на еўрапейскіх дыпламатаў, паведамляе dw.com. Мяркуецца, што "Брэкзіт" адбудзецца 29 сакавіка 2019 года, пасля чаго павінен пачацца 21-месячны пераходны перыяд. Сярод прыхільнікаў ідэі пераносу выхаду Брытаніі з ЕС называюць кіраўніка Еўрапейскага савета Дональда Туска і генеральнага сакратара Еўракамісіі Марціна Зельмайра (Martin Selmayr).
Прадстаўнікі дыпламатыі ЕС у апошнія тыдні неаднаразова сцвярджалі, што прагаласуюць за перанос "Брэкзіта", калі Лондан папросіць аб гэтым і выкажа гатоўнасць унесці змены ў планы па выхадзе з Еўрасаюза. Без адпаведнага звароту ў Брусэлі нічога не змогуць распачаць. Акрамя таго, перанос "Брэкзіта" дапаможа абыйсці "бэкстоп", які прадугледжвае, што Вялікабрытанія застанецца ў агульным з ЕС мытным саюзе да таго часу, пакуль не будзе дасягнута новае гандлёвае пагадненне паміж Лонданам і Бруселем. У гэтым выпадку Паўночная Ірландыя застанецца часткай унутранага еўрапейскага рынку, што дазволіць пазбегнуць устанаўлення жорсткай мяжы паміж Паўночнай Ірландыяй і Ірландскай Рэспублікай.
Напярэдадні, 24 лютага, прэм'ер-міністр Вялікабрытаніі Тэрэза Мэй абвясціла, што нацыянальны парламент не пазней за 12 сакавіка вынясе рашэнне па прапанаванаму ёю плане "Брэкзіта". Сваю заяву Мэй зрабіла ў егіпецкім Шарм аш-Шэйху перад пачаткам саміту ЕС і Лігі арабскіх дзяржаў. У рамках саміту Мэй правядзе чарговыя кансультацыі з кіраўнікамі краін-членаў ЕС.
У суботу, 23 лютага, тры брытанскіх міністра заклікалі адкласці "Брэкзіт", калі Тэрэза Мэй не атрымае парламенцкую падтрымку для свайго варыянта пагаднення аб выхадзе з ЕС. Газета Daily Mail апублікавала меркаванне міністраў бізнесу Грэга Кларка, працы Эмбер Радда і міністра юстыцыі Дэвіда Гока, згодна з якім большасць парламентарыяў палічыла б за лепшае адтэрміноўку жорсткага "Брэкзіту" 29 сакавіка.