Самалёт упаў на жылыя дамы ў Каліфорніі: ёсць загінулыя

Прынамсі чатыры чалавекі загінулі пры крушэнні лёгкаматорнага самалёта, які ўпаў на жылыя дамы ў амерыканскім штаце Каліфорнія.

Катастрофа адбылася ўдзень 27 лютага ў горадзе Рыверсайд, з мясцовага аэрапорта якога самалёт вылецеў у Сан-Хасэ. Самалёт урэзаўся ў два жылыя дамы, пасля чаго пачаўся моцны пажар.

Паводле словаў кіраўніка пажарнага дэпартамента Рыверсайд Майкла Мура, на борце самалёта “Cessna 310” знаходзілася сям'я: муж, жонка і тры падлеткі, якія вярталіся ў Сан-Хасэ з канферэнцыі чырлідэраў у Дыснэйлэндзе.

Паводле яго слоў, дзяўчынку, якая была на борце, выкінула з самалёта падчас удару, у выніку чаго яна атрымала лёгкія раненні і змагла размаўляць з ратавальнікамі па дарозе ў бальніцу.

Яшчэ аднаго пацярпелага, які знаходзіўся ў адным з дамоў, без прытомнасці даставілі ў бальніцу.

Усяго на месцы аварыі знайшлі чатыры целы, але пакуль ратаўнікі не могуць сказаць, ці былі гэта пасажыры самалёта або людзі, якія знаходзіліся ў дамах. Яны не выключаюць, што ахвяраў можа быць больш.

Усяго ў выніку інцыдэнту былі цалкам разбураны два дамы, яшчэ адзін дом быў пашкоджаны.

Катастрофа самалёта здарылася неўзабаве пасля яго ўзлёту. Па словах прадстаўніка Федэральнага ўпраўлення грамадзянскай авіяцыі ЗША (FAA) Яна Грэгары, самалёт упаў прыкладна ў паўмілі на паўночны ўсход ад аэрапорта Рыверсайд.

Паліцыя высвятляе прычыны здарэння.

Паводле ВВС, www.newsru.com