Індыя. Суд забараніў арышты за каментары ў сацсетках

Вярхоўны суд Індыі адмяніў закон, які дазваляў паліцыі арыштоўваць людзей за каментары ў сацсетках і на іншых сайтах.



Закон быў прызнаны судом неканстытуцыйным. Крытыкі гэтай нормы закона заяўлялі, што гэты пункт у заканадаўстве парушае прынцып свабоды слова.

За час дзеяння закона былі арыштаваныя некалькі чалавек за непрыстойныя, з пункту гледжання паліцыі, каментары ў "Фэйсбуку" і "Твітэры".