Асад рыхтуецца прымяніць хімічную зброю ў Ідлібе — ЗША
Урадавыя войскі Сірыі плануюць ужыць у Ідлібе хімічную зброю, і таму ёсць "мноства доказаў", заявіў спецпрадстаўнік дзяржсакратара ЗША па Сірыі.
Авіяўдары па Сірыі (архіўнае фота). Фота: Getty Images
Існуе
"мноства доказаў" таго, што сірыйскія ўрадавыя войскі рыхтуюцца
выкарыстаць у правінцыі Ідліб хімічную зброю. Пра гэта заявіў новы
спецпрадстаўнік дзяржсакратара ЗША па Сірыі Джым Джэфры, паведамляе агенцтва
Reuters.
"Я вельмі ўпэўнены, што ў нас ёсць вельмі сур'ёзныя прычыны рабіць падобныя папярэджанні", — адзначыў Джэфры.
Ён падкрэсліў, што ўлады ЗША расцэньваюць любы наступ на Ідліб як "неабдуманую эскалацыю".
Па словах Джэфры, наступ сірыйскіх і расійскіх войскаў на Ідліб, а таксама ўжыванне хімічнай зброі можа прывесці да вялікага патоку бежанцаў у Турцыю.
Ён нагадаў, што лёс Ідліба будзе вырашацца 7 верасня на сустрэчы прыхільнікаў Асада — Расіі і Ірана, а таксама саюзніка паўстанцаў — Турцыі. "Мы даведаемся, ці гатовыя рускія пайсці на кампраміс з туркамі", — заявіў спецпрадстаўнік па Сірыі.
Раней амбасадар Расіі ў ЗША Анатоль Антонаў падчас сустрэчы са спецпрадстаўніком ЗША па Сірыі Джэймсам Джэфры і в.а. намесніка дзяржсакратара па Блізкім Усходзе Дэвідам Сатэрфілдам распавёў пра падрыхтоўку правакацый баявікоў у Сірыі.
Паводле korrespondent.net, Deutsche Welle