Супрацоўніка МЗС, які выйшаў на пікет, каб выказаць сваю пазіцыю з-за сітуацыі ў краіне, звольнілі па артыкуле

Супрацоўніка цэнтральнага апарата, начальніка гісторыка-архіўнага аддзялення МЗС Вячаслава Казачонка, які выйшаў тыдзень таму на пікет, звольнілі з знешнепалітычнага ведамства. Пра гэта Вячаслаў Казачонак распавёў TUT.BY.

Звольнілі Вячаслава Казачонка па артыкуле 42 Працоўнага кодэкса «ў сувязі з грубым парушэннем сваіх працоўных абавязкаў».
Як стала вядома TUT.BY ад сваіх крыніц, намеснік начальніка ўпраўлення Еўразійскай інтэграцыі Алена Копанева, якая выйшла падтрымаць Казачонка на пікеце, таксама больш не працуе ў МЗС.
Нагадаем, Вячаслаў Казачонак 17 жніўня выйшаў на адзіночны пікет на прыступкі будынка МЗС. Да яго далучылася намеснік начальніка ўпраўлення Еўразійскай інтэграцыі Алена Копанева. Пікетам з белымі пустымі лістамі ў руках супрацоўнікі МЗС хацелі «выказаць сваю прынцыповую пазіцыю» па сітуацыі ў краіне. Вячаслаў Казачонак прызнаўся, што з-за таго, што адбываецца, яму страшна за будучыню, жыццё людзей, сваё жыццё.
Аб сваім намеры выйсці на пікет Вячаслаў папярэдзіў калегаў у МЗС, і за гадзіну да пікету кіраўнік міністэрства Уладзімір Макей сабраў супрацоўнікаў на размову. Макей нагадаў, што супрацоўнікі МЗС давалі прысягу дзяржаве, і, па словах Казачонка, намякнуў на тое, што калі хтосьці не згодны з палітыкай дзяржавы, ён павінен напісаць заяву.