Новы навукова-асветніцкі праект Нацыянальнага музею
У Нацыянальным мастацкім музеі Рэспублікі Беларусь стартуе новы навукова-асветніцкі праект: «Экскурсія ад куратара».
Куратар — гэта арганізатар мастацкага працэсу ў рамках пэўнага выставачнага праекта. Куратар вызначае актуальнасць і стварае агульную канцэпцыю выставы, распрацоўвае стратэгію яе экспанавання і арганізоўвае ўмовы для яе ўвасаблення, запрашае мастакоў да супрацоўніцтва, актыўна ўдзельнічае ў адборы твораў, робіць экспазіцыю. Увогуле, куратарская дзейнасць — гэта асобая форма аўтарства ў мастацтве.
Першая «Экскурсія ад куратара» адбудзецца 23 сакавіка 2013 года а 11-й гадзіне на выставе сучаснай кітайскай каліграфіі «Знакі, накрэсленыя на нябёсах».
Куратар выставы — мастацтвазнаўца Моніч Мікіта Сяргеевіч.
Уваход на «Экскурсію ад куратара» ажыццяўляецца па звычайных білетах у музей.
Даведкі па тэл. 327 71 63, 327 45 62