Змітра Паліенку павезлі адбываць 2-гадовае пакаранне проста з суду
Суд Заводскага раёна Мінску адмяніў адтэрміноўку пакарання сацыяльнаму актывісту Змітру Паліенку. Проста з будынку суду Змітра Паліенку адвезлі адбываць 2-гадовае пакаранне.
Суд над Змітром Паліенкам. Мінск, 11 кастрычніка 2016 года
12 кастрычніка 2016 году ўдзельнік акцыі раварыстаў «Крытычная маса» Зміцер Паліенка быў асуджаны да двух гадоў з адтэрміноўкай. Яго прызналі вінаватым у нападзе на міліцыянта і распаўсюдзе парнаграфічных матэрыялаў праз інтэрнэт.
Пасля прысуду Зміцер Паліенка не раз удзельнічаў у вулічных акцыях і атрымліваў розныя тэрміны арышту. 7 красавіка суд адмяніў адтэрміноўку па ранейшым прысудзе.