Марш свабоды і не толькі. 16 жніўня 2020-га ў загалоўках «Новага Часу»!
16 жніўня 2020-га займае асаблівае месца ў нашай гісторыі. Драматычны дзень, поўны надзей, хваляванняў, пачуцця салідарнасці і еднасці. Згадаем яго праз загалоўкі «Новага Часу»!
Рабочыя «Беларуськалію» патрабуюць адстаўкі Лукашэнкі
«Мы не жадаем карміць карнікаў, якія б’юць нас за нашыя ж падаткі», — заявілі яны.
Затрыманы лідар гурта «Дай дарогу». Ён у ІЧУ
Увечары таго ж дня Юры Стыльскі быў вызвалены. «Аргумент для таго быў важкі: пасля ўчорашняга дваццацітысячнага шэсця берасцейцаў па вуліцах горада сёння на цэнтральным пляцы стаяла ці не ў два разы больш», перадаваў наш карэспандэнт.
«Сын пайшоў забіраць рэчы на Акрэсціна — і не выйшаў»: хлопца знайшлі ў бальніцы з ЧМТ
Гісторыя хлопца, якога вызвалілі 14 жніўня, а на наступны дзень, 15-га, ён пайшоў забіраць свае рэчы на Акрэсціна — і сваякі, не дачакаўшыся пад дзвярыма ІЧУ, праз пэўны час знайшлі яго ў 9-й бальніцы — кульгавага і з чэрапна-мазгавой траўмай.
«Адноўлены традыцыі НКУС у 21 стагоддзі». Першы беларускі дыпламат падтрымаў пратэсты
Пасол Беларусі ў Славаччыне Ігар Ляшчэня падтрымаў мірныя пратэсты, страйкі працоўных.
Яшчэ адзін беларускі дыпламат выступіў у падтрымку пераменаў
Павел Мацукевіч некалькі гадоў узначальваў амбасаду Беларусі ў Швейцарыі.
«Падтрымліваць кіраўніка дзяржавы, які з гаранта бяспекі і суверэнітэту ператвараецца ў галоўную пагрозу, лічу для сябе як грамадзяніна і дыпламата здрадай Радзіме і нацыянальным інтарэсам. Лукашэнка павінен сысці, — напісаў ён на сваёй старонцы ў «Фэйсбуку» з хэштэгам «Сыходзь».
Экс-намеснік кіраўніка КДБ асуджае гвалт у Беларусі і прапануе экстрана сабраць парламент
Экс-намеснік старшыні КДБ, генерал-маёр у адстаўцы Іван Юркін выступіў з асуджэннем гвалту ў дачыненні да ўдзельнікаў масавых акцый пратэсту і прапанаваў правесці экстранныя парламенцкія слуханні па сітуацыі ў Беларусі.
Раніцай 16 жніўня цэнтр Мінска ўжо ачэплены
На 16 жніўня ў Мінску анансаваны мітынг у падтрымку Аляксандра Лукашэнкі, які павінны пачацца ў 12:00. Раней паведамлялася, што бюджэтнікаў — у асноўным, настаўнікаў і супрацоўнікаў ЖКХ — прымушаюць ехаць на гэты мітынг з розных рэгіёнаў Беларусі.
Мітынг-такі адбыўся, вось рэпартаж з яго.
Сашавы 3% сабраліся на акцыю падтрымкі. І да іх ён выйшаў (фота)
А вось тут мы публікавалі вытрымкі з прамовы Лукашэнкі.
«І фюрэр крычаў, ад запала ўвесь бледны...» Пра што казаў Лукашэнка на мітынгу
Наваполацкі гарвыканкам узняў бел-чырвона-белы сцяг
Прэзідэнцкі палац у Братыславе падсвяцілі ў бел-чырвона-белы колер
Гэта зроблена па загадзе прэзідэнткі Славакіі
У мэрыі горада Пльзень у Чэхіі вывесілі бел-чырвона-белы сцяг
Яе павесілі мэр Марцін Бакса (ODS) і яго намеснік Міхал Вазабуле (TOP 09) у падтрымку грамадзян Беларусі, якія пратэставалі супраць вынікаў прэзідэнцкіх выбараў.
«Саша, чакаем цябе ў Гаазе!»
Марш салідарнасці з Беларуссю прайшоў у Гаазе (Нідэрланды).
У Гомелі развітваюцца з другім загінулым дэманстрантам
25-гадовы Аляксандр Віхор памёр у зняволенні — пасля арышту яму не аказалі належную медыцынскую дапамогу.
У гонар дэманстранта, які загінуў, на Пушкінскай усталявалі крыж
На Пушкінскай усталявалі самаробны магутны крыж у памяць аб Аляксандры Тарайкоўскім, які трагічна загінуў ад стрэлаў АМАПу падчас мірных пратэстаў у Беларусі. На драўляным крыжы — бел-чырвона-белыя стужкі і надпіс "Ты уваскрэснеш".
Случчане патрабуюць арышту Лукашэнкі
У Брэсце грандыёзны мітынг
І, канешне, маштабная акцыя пратэсту ў Мінску, якая сабрала каля 300 000 удзельнікаў.
Такога яшчэ не было ў Беларусі: мора людское на Маршы Свабоды!
Мы тады не ведалі, што чакае нас наперадзе — турма, эміграцыя, расчараванне, жыццё ў чаканні «калі прыйдуць». Але тады мы дакладна былі Нацыяй, у нас былі вера і надзея на змены. І гэта не можа проста знікнуць. Мы верым, што хоць і пакручастымі сцежкамі, але мы прыйдзем да вольнай Беларусі.
Беларусы дасталі дулі з кішэняў