Заканчваюцца працы па рэканструкцыі пункта пропуска “Прывалка”
У бліжэйшыя дні мае адчыніцца памежны пераход “Прывалка” на мяжы з Літвой. Ён быў зачынены на рэканструкцыю 1 верасня.
У выніку мадэрнізацыі праз мяжу ў суткі зможа праехаць 570 легкавых машын, 400 грузавікоў і 30 аўтобусаў.
З адкрыццём мяжы працы не спыняцца — трэба будзе рэканструяваць падсобныя памяшканні і склады. Агулам у 2013 годзе на рэканструкцыю “Прывалкі” было выдаткавана 26 млрд рублёў. Грошы па адмысловай інвестыцыйнай праграме выдзеліў урад.