У Брэсце адкрыўся дзяржаўны прытулак для бяздомных жывёл

Замест ужо ліквідаванага пункта адлову і ўтрымання безнаглядных жывёл у Брэсце адкрылі прытулак для бяздомных жывёл. Як паведамляе «Рэальны Брэст», заказчыкам будаўніцтва выступіла КУП «Брэсцкае гарадское ЖКГ».

У памяшканні для сабак размешчана 128 вальераў, тут могуць знаходзіцца адначасова парадку 200 жывёл. Памяшканне для катоў абсталявана стэлажамі з клеткамі, у якіх могуць утрымлівацца каля 200 катоў. На кожным вальеры будзе размешчана фатаграфія жывёлы, мянушка, узрост, пол, дата прышчэпак і стэрылізацыі.

Як распавёў «Рэальнаму Брэсту» генеральны дырэктар КУМПП «Брэсцкая гарадская ЖКГ» Ігар Сільчанка, жывёлы тут будуць утрымлівацца да сваёй натуральнай смерці, калі не знойдуць сабе новых гаспадароў. «Тут яны будуць прышчэпленыя і стэрылізаваныя, каб хутчэй здабыць свой дом, пры гэтым не несці патэнцыйнай пагрозы для той ці іншай сям'і», — кажа Сільчанка.


Кармленне і ўтрыманне будзе рабіцца за кошт КВУП «Брэсцкі смеццеперапрацоўчы завод», акрамя гэтага будзе прымацца дапамога ад жыхароў горада.

На сайце прытулку будуць размешчаны фатаграфіі ўсіх жывёл, каб патэнцыйныя гаспадары маглі падабраць сабе гадаванца.


Прыйсці ў прытулак, каб забраць котку або сабаку можна будзе ў любы час сутак і ў любы дзень тыдня.

«На тэрыторыі прытулку плануецца стварыць ветэрынарную клініку, ужо гатова памяшканне ў выглядзе двух гасцінічных нумароў для жывёл, якіх гаспадары гатовыя пакінуць на час сваіх адпачынкаў на платнай аснове», — пералічвае Ігар Сільчанка.

Каштарысны кошт будаўніцтва склала 643 411 рублёў, збудавалі аб'ект за два з паловай месяцы.

Паводле tut.by/society