Сябры БХД усталявалі новыя крыжы ў Курапатах

Актывісты аргкамітэту БХД 27 кастрычніка пасля паседжання Нацыянальнай рады ўсталявалі восем новых крыжоў ва ўрочышчы "Курапаты". Крыжы ўсталяваныя з таго боку Мінскай кальцавой дарогі, дзе іх раней не было.



Удзел ва ўсталяванні крыжоў сярод іншых узялі сустаршыні аргкамітэту БХД Віталь Рымашэўскі і Павал Севярынец, адказны сакратар Дзяніс Садоўскі і іншыя, а таксама адказны сакратар Кансерватыўна-Хрысціянскай Партыі — БНФ Алесь Чахольскі.

Раней крыжы стаялі толькі са знешняга боку МКАД, цяпер — і з боку горада. Памятныя крыжы зробленыя з металу.

БХД заклікае ўсіх, хто хоча далучыцца да ўпарадкавання мемарыялу, далучыцца да кампаніі па тэлефоне 8029 1673435.

 
Прэсавая служба БХДФота Зміцер Лупач