Пры спробе выехаць за мяжу затрымалі 25-гадовую мінчанку

Тэлеграм-канал ГУБАЗіКа паведамляе пра затрыманне Рэнаты Сальмановіч. У «пакаяльным відэа» дзяўчына «прызнаецца» ў тым, што ўдзельнічала ў акцыі пратэсту ў дзень выбараў і нібыта стаяла на барыкадах. Праваабаронцам вядома, што дзяўчыну затрымлівалі 9 жніўня 2020 года. Паведамляецца, што Рэнату затрымалі пры спробе выехаць за мяжу.

ГУБАЗіК таксама паведамляе, што Сальмановіч нібыта «падтрымлівала ўкраінскіх фашыстаў, жадаючы смерці ўсім рускім».

Адзначым, што цяпер ГУБАЗіК маркіруе свае пасты беларускім і рускім сцягамі, а таксама хэштэгам Zачистка.