Падрыхтаваны праект указу аб статусе гарадоў-спадарожнікаў
У Беларусі падрыхтаваны праект указу прэзідэнта, у якім вызначаецца статус гарадоў-спадарожнікаў. Гарадамі-спадарожнікамі Мінска стануць Дзяржынск, Заслаўе, Лагойск, Рудзенск, Смалявічы, Фаніпаль, спадарожнікам Брэста — Жабінка, а Гродна — Скідзель. Пра гэта паведамляе прэс-служба прэзідэнта Беларусі.
Анатоль Калінін
На нарадзе па пытаннях жыллёвага будаўніцтва, якую 4 чэрвеня правёў Аляксандр Лукашэнка, віцэ-прэм'ер Анатоль Калінін далажыў аб праектах указаў. Яны датычацца прававога рэгулявання жыллёвых адносін, пераводу службовага жылля ў катэгорыю арэнднага, устанаўлення адзіных падыходаў па прадстаўленні пазык на будаўніцтва жылля, адмены магчымасці паралельнага праектавання і будаўніцтва аб'ектаў.
Як адзначыў віцэ-прэм'ер, у шэрагу месцаў без выкарыстання зямель сельгаспрызначэння цяжка павялічыць аб'ёмы жыллёвага будаўніцтва, і ў прыватнасці індывідуальную забудову.
У адказ на гэта прэзідэнт сказаў: "На вачах тысячы ўчасткаў у Мінску, якія размешчаны не на землях сельгаспрызначэння. Ідзі і будуй, аддавай людзям. Я не кажу ўжо пра раённыя цэнтры.
Там у маштабах рысы горада мора участкаў, дзе можна будаваць".
Як далажыў Анатоль Калінін, з запланаваных 6,5 млн квадратных метраў жылля ў 2013 годзе з выкарыстаннем дзяржпадтрымкі будзе пабудавана 2,5 млн. За студзень-красавік ўведзена 1,5 млн, што складае
99,4% да аналагічнага перыяду 2012 года. Урад прапануе ў 2014 і 2015 гадах пабудаваць 6,5 і 7 млн квадратных метраў жылля, у тым ліку з дзяржпадтрымкай — 2,8 і 3 млн адпаведна.
Арэнднага жылля ў 2013 годзе плануецца пабудаваць 220 тыс. квадратных метраў, а ў наступным нарасціць аб'ёмы, каб да канца пяцігодкі пабудаваць не менш за 1 млн.
Анатоль Калінін лічыць, што неабходна працягнуць зніжэнне працэнтных ставак па крэдытах на будаўніцтва жылля, а таксама вярнуцца да выдачы крэдытаў грамадзянам на жыллёвае будаўніцтва ў замежнай
валюце. Пакуль Нацбанк гэтую прапанову аб выдачы крэдытаў у замежнай валюце не падтрымлівае, сказаў ён.
Віцэ-прэм'ер таксама адзначыў скарачэнне колькасці работнікаў у будаўнічай галіны за апошнія гады. Аднак ён лічыць, што іх колькасці дастатковая для рэалізацыі ўсіх інвестпраектаў і
праграм. Да таго ж, апошнім часам у асноўным спыніўся адток кадраў, а многія, хто выехаў за мяжу, вяртаюцца на працу ў Беларусь.
"Мы яшчэ не дасягнулі належнай рытмічнасці і адказнасці па тэрмінах, якасці будаўніцтва, але ў найбліжэйшы час увядзем досыць прынцыповыя патрабаванні да забудоўшчыкаў і
праекціроўшчыкаў", — сказаў віцэ-прэм'ер.
"Мы зараз прааналізавалі і бачым, што неабходна стварыць два-тры буйныя холдынгі, якія аб'яднаюць 20–25 тыс. работнікаў і дадуць магчымасць вырашаць пытанні па буйных праектах у Беларусі і сур'ёзна выходзіць на знешнія рынкі. Думаю, у першым паўгоддзі мы прымем такую пастанову па стварэнні буйных холдынгаў", — паведаміў Анатоль Калінін.