МУС: 79% «бытавых» злачынстваў здзяйсняліся ў стане алкагольнага ап'янення
За 10 месяцаў гэтага года каля 40% «бытавых» злачынстваў зарэгістравана ў сельскай мясцовасці, паведамілі ў Галоўным упраўленні аховы правапарадку і прафілактыкі МУС. Каля 40% такіх злачынстваў фіксуюцца з 18.00 да 24.00 гадзін, часцей за ўсё такія злачынствы адбываюцца ў суботу — каля 18%.
Асноўная прычына «бытавухі» — п'янства. Па статыстыцы, каля 79% злачынстваў учынены ў стане алкагольнага ап'янення, 17% пацярпелых таксама былі п'яныя. Звыш 80% ахвяр у «быту» аказваліся жанчыны.
У МУС адзначылі, што нягледзячы на гэта ў Беларусі зніжаецца колькасць загінулых у выніку «бытавых» забойстваў і наўмысных цяжкіх цялесных пашкоджанняў.
Агулам у сферы сямейна-бытавых адносін з пачатку года ўчынена звыш 41 000 адміністратыўных правапарушэнняў. Да ўчынілі іх асобам ўжыта больш 5600 ахоўных прадпісанняў, з якіх недзе 89% — з забаронай пражывання з пацярпелымі членамі сям'і і распараджэнні сумеснай уласнасцю.
Нагадаем, МУС выступае инциатором абмежаванняў па продажы спіртнога. Адна з іх прапаноў, забарона на продаж алкаголю ў начны час, пратрымалася суткі.
З 1 кастрычніка ў Менску, а таксама ў Жлобінскім і Быхаўскім раёнах было прынята рашэнне абмежаваць продаж алкагольных напояў у начны час на год — да 1 кастрычніка 2019 года. З 23.00 да 7.00 у гандлёвай сетцы забаранялася рэалізацыя гарэлкі, лікёра-гарэлачных вырабаў, віна, каньяку, брэндзі, кальвадосу, шампанскага і іншых напояў з аб'ёмнай доляй этылавага спірту 7% і больш, а таксама піва і слабаалкагольных напояў. Прадаваць алкаголь па начах, згодна з рашэннем, маглі толькі аб'екты грамадскага харчавання ў разліў.
Аднак 2 кастрычніка кіраўнік Беларусі Аляксандр Лукашэнка распарадзіўся на працягу сутак адмяніць абмежаванні продажу алкаголю ў гандлёвай сеткі ў начны час.
Мясцовыя ўлады аператыўна адрэагавалі на пажаданне прэзідэнта — «начны сухі закон» пратрымаўся ў Беларусі менш за суткі.
МУС таксама выступіла ініцыятарам падрыхтоўкі праекта закона аб супрацьдзеянні хатняму гвалту. Пасля крытыкі кіраўніка дзяржавы, ведамства адмовілася ад яго распрацоўкі.
Паводле news.tut.by