Ля Акадэміі навук — штодзённая акцыя. «Ціхары» спрабавалі затрымаць навукоўцаў
Ля прэзідыума Акадэміі навук 27 жніўня ў 13:00 прайшла традыцыйная акцыі салідарнасці. Напрыканцы яе асобных удзельнікаў спрабавалі затрымаць "ціхары" з мінібуса без нумароў.
Удзельнікі акцыі паведамляюць, што аднаго з іх чалавек у цывільным схапіў за руку, да іншага звяртаўся з просьбай "пагутарыць". Яшчэ за адным навукоўцам, які меў бел-чырвона-белы сцяг, "ціхар" ганяўся па інтэрнаце.
Паведамляюць таксама пра супрацоўніка Інстытута біяфізікі НАН, затрыманага ў двары прэзідыума. Пакуль невядома, ці ўдзельнічаў ён у акцыі салідарнасці. Пазней стала вядома, што гэтага супрацоўніка ўсё ж не затрымалі.
