Колькасць працаўнікоў, якім завінавацілі заробак, вырасла ў 16 разоў

За студзень 2015 пратэрмінаваная завінавачанасць па заробках вырасла ў 7,74 разы ў параўнанні са снежнем 2014 года і на 1 лютага склала 171 млрд. рублёў.



Пра гэта паведамілі ў прэс-службе Нацыянальнага статыстычнага камітэта.
Пры гэтым завінавачанасць па колькасці работнікаў, перад якімі ў працадаўцы мелася запазычанасць, вырасла больш чым у 16 разоў — з 3 тыс. да 49,3 тыс. чалавек.
Як і ў мінулым годзе, у пералік прадпрыемстваў-даўжнікоў ўвайшлі ў асноўным сельгаспрадпрыемствы. Аднак ёсць і прамысловыя, сярод якіх ААТ «Оршабудматэрыялы», віцебскае ААТ «Класіка індустрыі моды», ААТ «Обальскі керамічны завод» (Віцебская вобласць), ААТ «Віцебскі камбінат шоўкавых тканінаў», ААТ «Сцяг індустрыялізацыі» (Віцебск), ААТ «Аршанскі камбінат будаўнічых матэрыялаў», ААТ«Завод «Эвістар» (Віцебск), ААТ «Веткаўская бавоўнапрадзільная фабрыка» (Гомельская вобласць), ААТ «Завод «Спецаўтаматыка»(Мінск), ЗАТ« Мантажлегмаш» (Мінск), КУП «Завод эфектыўных прамысловых канструкцый» (Мінск), ЗАТ «Сівельга» (Мінск), ААТ «Маналітград» (Мінск), ТАА «Мінскі дом вокнаў», ААТ «Маладзечанскі завод металаканструкцый», ААТ «Магілёўскі завод «Строммашына», ААТ «Фандок» (Бабруйск , Магілёўская вобласць), СЗАТ «Асіповіцкі вагонабудаўнічы завод» (Магілёўская вобласць) і іншыя.
БелаПАН