Гомельскі ваенкам уварваўся з рупарам у лес і заклікаў дзяцей-інвалідаў на мітынг
22 жніўня валанцёры праводзілі дабрачынны пікнік для дзяцей-інвалідаў. Пікнік праходзіў у лесе на беразе ракі Сож, непадалёк ад пасёлка Чонкі, пішуць «Сильные Новости» са спасылкай на Радыё Свабода.
Андрэй Крываносаў з рупарам
«Раптам наш ціхі спакойны адпачынак парушыў гомельскі ваенком Андрэй Крываносаў. Ён уварваўся да нас на пікнік і пачаў гучна заклікаць на мітынг. Каб усе цяпер тэрмінова збіраліся і ішлі на мітынг у пасёлак Чонкі», — распавёў адзін з валанцёраў.
Паводле яго слоў, ваенкам з рупарам падыходзіў і да іншых кампаніям, якія адпачывалі пад Чонками.
Андрэй Крываносаў стаў вядомы ў апошні час з-за свайго ўдзелу ў мітынгах «За« Бацьку». Ён «абараняў» «Гомсельмаш» ад забастоўкі, а таксама сарваў мітынг Марыі Калеснікавай ў Жлобіне.
gomel.today