Wizz Air адмяніла плату за ручную паклажу

Лоўкосцер Wizz Air абвясціў аб адмене платы за ручную паклажу на рэйсах, якія будуць выконвацца з 29 кастрычніка 2017 года.

Пра гэта паведамляе avianews.com.
Адначасова з гэтым бюджэтнік адменіць падзел ручной паклажы на платную вялікую (56х45х25 см, вага да 15 кг) і бясплатную маленькую (42х32х25 см, вага да 15 кг), увёўшы адзіны стандарт з габарытамі 55х40х23 см і максімальным вагой да 10 кг.

Правіла правозу ручной паклажы з 29 кастрычніка
Пасажыры, якія паспелі набыць квіткі і аплаціць перавозку ручной паклажы на рэйсы пасля 29 кастрычніка, атрымаюць кампенсацыю ў памеры 120% ад аплочанай сумы за перавозку ручной паклажы на сваіх WIZZ рахункі.
З 29 кастрычніка Wizz Air таксама зменіць умовы паслугі прыярытэтнай пасадкі WIZZ Priority. Пасажыры, якія аплацілі, апроч магчымасці патрапіць на борт самалёта ў першую чаргу і права правозіць другі прадмет ручной паклажы з габарытамі да 40х30х18 см атрымаюць таксама гарантыю, што яны змогуць узяць у салон асноўны прадмет ручной паклажы з габарытамі 55х40х23 см.
Ручная паклажа астатніх пасажыраў, у выпадку недахопу месца на багажных паліцах у салоне, можа рэгістравацца бясплатна ля выхаду на пасадку і перавозіцца ў якасці зарэгістраванага багажу — так зараз паступае іншы лоўкосцер Ryanair.
Плату за ручную паклажу Wizz Air увёў у 2012 годзе і стаў першым і адзіным авіяперавозчыкам у Еўропе з такім тыпам збору. Першапачаткова збор спаганяўся ў якасці эксперыменту толькі на маршруце Катавіцэ-Лондан, а праз некалькі месяцаў быў распаўсюджаны на ўсю маршрутную сетку Wizz Air за выключэннем рэйсаў, якія выконваліся даччыным авіяперавозчыкам Wizz Air Украіна.
Увядзенне платы за ручную паклажу ў Wizz Air патлумачылі тым, што з-за гэтага пасажыры будуць браць з сабой у самалёт пераважна невялікі багаж, што паменшыць колькасць затрымак рэйсаў і палепшыць якасць абслугоўвання пасажыраў падчас пасадкі на борт.