Ноччу баі ў Славянску ішлі ва ўсіх раёнах горада

У ноч на сераду, 7 мая, украінскія сілавікі аднавілі ваенныя дзеянні ў Славянску Данецкай вобласці. Па словах відавочцаў, атака суправаджалася двума магутнымі выбухамі, якія прагучалі на ўскраіне горада, перадае Цензор.НЕТ.



Баі ішлі ва ўсіх раёнах горада, паведамляе Корреспондент са спасылкай на мясцовых жыхароў. Па паведамленнях, атаку на блокпосты тэрарыстаў вялі байцы Нацыянальнай гвардыі Украіны, былі чутныя аўтаматныя чэргі.
 

Як паведамляе УНИАН, людзі баяцца і не выходзяць на вуліцу, а некаторыя нават начуюць на працы, каб не патрапіць пад выпадковыя кулі.
 

2 мая ў Славянску аднавілася актыўная фаза антытэрарыстычнай аперацыі, у ходзе якой ўкраінскія сілавікі ўзялі горад у кола.
 

Пасля гэтага з'явілася інфармацыя, што група расійскіх дыверсантаў збіраецца прарывацца з горада, а штаб сепаратыстаў з Славянска пераносіцца ў Горлаўку. Акрамя таго, баевікі заклікалі мясцовых жыхароў выходзіць на вуліцы і станавіцца ў якасці "жывога шчыта".
Штаб антытэрарыстычнай аперацыі паставіў баявікам ультыматум: скласці зброю і адпусціць усіх закладнікаў.
 

Паводле інфармацыі МУС, горад акружаны украінскімі сілавікамі, перамяшчэнне па дарогах зведзена да мінімуму, чыгуначны рух абмежаваны, цягнікі пускаюць у аб'езд.