Крыніца: Расія збіраецца правесці вучэнні стратэгічных ядзерных сіл
Стратэгічныя камандна-штабныя вучэнні (СКШВ) "Гром" з удзелам усіх трох кампанентаў стратэгічных ядзерных сіл (СЯС) РФ пройдуць у пачатку 2022 года. Пра гэта ТАСС паведаміла крыніца, блізкая да Мінабароны Расіі.
Ядзерныя вучэнні "Гром" у 2019 годзе. Фота: ТАСС/Уладзімір Івашчанка
"Вучэнні "Гром" з удзелам расійскай ядзернай трыяды запланаваны на пачатак 2022 года", — сказала яна.
Агенцтва адзначае, што не мае афіцыйнага пацверджання гэтай інфармацыі.
СКШВ з СЯС праводзяцца штогод, як правіла ў канцы "ваеннага" навучальнага года. Звычайна ў рамках гэтых вучэнняў падводны ракетаносец Паўночнага флоту страляе міжкантынентальнай балістычнай ракетай (МБР) па палігоне Кура на Камчатцы, атамная субмарына Ціхаакіянскага флота запускае МБР па мэце на палігоне Чыжа на поўначы Расіі. Таксама выконваецца вучэбна-баявы пуск МБР са складу Ракетных войскаў стратэгічнага прызначэння, крылатыя ракеты запускаюць самалёты Далёкай авіяцыі ВКС РФ.
21 снежня міністр абароны РФ Сяргей Шойгу на пашыраным паседжанні калегіі ваеннага ведамства паведаміў, што СКШВ "Усход" і "Гром" плануецца правесці ў 2022 годзе.