Аўстралія абвінаваціла "Ісламскую дзяржаву" ў вытворчасці хімічнай зброі
Тэрарыстычная групоўка "Ісламская дзяржава" спрабуе атрымаць у сваё распараджэнне хімічную зброю, заявіла кіраўнік МЗС Аўстраліі Джулі Бішоп, перадае ТАСС.
Паводле яе слоў, з гэтай мэтай экстрэмісты "вярбуюць дасведчаных вучоных і спецыялістаў, у тым ліку з краін Захаду".
Баевікі ІД "ужо выкарыстоўвалі хлор пры здзяйсненні нападаў на тэрыторыі Ірака", цытуе 6 чэрвеня газета "Australian" міністра замежных спраў.
"З'яўленне такіх тэрарыстычных груп, як ІД, з'яўляецца адной з галоўных сучасных пагроз глабальнай бяспекі", — падкрэсліла Бішоп.
Раней СМІ пісалі, што баевікі "Ісламскай дзяржавы" маюць намер набыць ядзерную зброю на працягу года.