AFP: у М'янме выявілі масавае пахаванне ахвяраў баевікоў рахінджа

Масавае пахаванне этнічных індусаў, забітых баявікамі з народнасці рахінджа, знойдзена ў нядзелю ў штаце Ракхайн на захадзе М'янмы. Пра гэта паведамляе агенцтва France Presse са спасылкай на мясцовых вайскоўцаў.

«Ваенныя знайшлі целы 28 індусаў, забітых баевікамі мусульманскай народнасці рахінджа», — прыводзіць агенцтва словы м'янманскага генерала. Па дадзеных AFP, мясцовыя грамадзянскія ўлады таксама пацвердзілі выяўленне пахавання.

Сітуацыя на тэрыторыі Ракхайна, дзе кампактна пражываюць прадстаўнікі многіх нацыянальнасцяў і рэлігій, у тым ліку мусульмане народнасці рахінджа, рэзка абвастрылася 25 жніўня, калі сотні баевікоў руху «Араканская армія выратавання рахінджа» здзейснілі напады на апорныя пункты паліцыі. Улады ўжылі меры ў адказ. З тых часоў з-за ўспышкі гвалту загінулі больш за 400 чалавек.
Паводле tass.ru