15 гадоў таму тэрарысты захапілі «Норд-Ост»
Вечарам 23 кастрычніка 2002 года тэрарысты захапілі будынак ДК «Маскоўскі падшыпнік». У момант захопу ў будынку ішоў мюзікл «Норд-Ост», у закладнікі патрапілі больш за 900 чалавек, у тым ліку акцёры і гледачы, сярод якіх былі дзеці.
Тэрарысты замініравалі будынак і ўтрымлівалі ў ім людзей на працягу некалькіх сутак. Раніцай 26 кастрычніка пачаўся штурм, які абвясцілі паспяховым — нягледзячы на тое, што ў выніку тэракту загінулі, па розных звестках, ад 130 да 174 чалавек, прычым 119 з іх — у шпіталях пасля вызвалення.
Як разгортаваліся падзеі падчас аднаго з найбуйнейшых тэрактаў у гісторыі Расіі ўзгадвае meduza.io.
Захоп Тэатральнага цэнтра на Дуброўцы, 23 кастрычніка 2002 года. Адразу пасля захопу невялікай частцы закладнікаў ўдалося выратавацца, выскачыўшы ў акно. Дзмітрый Азараў / Коммерсантъ
Невядомы мужчына спрабуе патрапіць у будынак захопленага Тэатральнага цэнтра ў ноч на 24 кастрычніка. З вечара 23-га будынак ачэплены міліцыяй, там жа працуюць супрацоўнікі ФСБ. Па дадзеных ФСБ, захоп рыхтаваўся на працягу некалькіх месяцаў. Антон Дзянісаў / ТАСС
Супрацоўнікі міліцыі і ФСБ каля будынку Тэатральнага цэнтра. Па дадзеных ФСБ, група баевікоў уключала да 50 чалавек, непасрэдна ў захопе будынка на Дуброўцы ўдзельнічалі больш за 40 чалавек, каля 20 з іх — смяротніцы. Канстанцін Кіжэля / ТАСС
У ноч на 24 кастрычніка супрацоўнікі праваахоўных органаў пачалі перамовы з тэрарыстамі, якія да таго часу не прад'яўлялі ніякіх патрабаванняў. Падчас перамоў баевікі адпусцілі з захопленага будынка некалькі дзясяткаў чалавек — у іх ліку былі жанчыны, дзеці, замежнікі і мусульмане. Дзмітрый Духанін / Коммерсантъ
Да раніцы 24 кастрычніка баевікі адпусцілі 41 чалавека, некалькіх закладнікаў застрэлілі. У ходзе перамоў тэрарысты запатрабавалі спынення баявых дзеянняў у Чачні і вываду з рэгіёну федэральных войскаў. Дзмітрый Духанін / Коммерсантъ
Лідар партыі "Саюз правых сілаў" Барыс Нямцоў і дэпутат Дзярждумы Іосіф Кабзон на перамовах з тэрарыстамі 24 кастрычніка. На працягу дня яны і іншыя перагаворшчыкі некалькі разоў пабывалі ў захопленым будынку і выратавалі некалькіх чалавек. Сяргей Міхееў / Коммерсантъ
Цягам 24 кастрычніка асноўная частка закладнікаў па-ранейшаму знаходзіцца ў глядзельнай зале. Тэрарысты не даюць ім нават ваду. PhotoXPress
Марына Школьнікава — адна з закладнікаў, вызваленых у ходзе перамоваў 24 кастрычніка. Усяго ў гэты дзень былі адпушчаныя 39 чалавек. PhotoXPress
Да паўночы 25 кастрычніка закладнікам перадаюць медыкаменты і гігіенічныя сродкі — для гэтага тэрарысты прапускаюць у будынак хірурга Леаніда Рашаля. Антон Дзянісаў / ТАСС
Родныя і блізкія закладнікаў чакаюць іх вызвалення на плошчы каля будынку Тэатральнага цэнтра. Да раніцы 25 кастрычніка тэрарысты адпусцілі яшчэ сем чалавек. Аляксей Мякішаў / Коммерсантъ
25 кастрычніка сваякі пачынаюць патрабаваць ад уладаў больш актыўных дзеянняў па вызваленні іх блізкіх. На плошчы каля будынку праходзіць мітынг. Увесь гэты час закладнікі працягваюць знаходзіцца ў будынку без вады. Юрый Март'янаў / Коммерсантъ
Аляксандр Палякоў / Sputnik / Scanpix / LETA
Аляксандр Палякоў / Sputnik / Scanpix / LETA
Дзмітрый Духанін / Коммерсантъ
Увечары 25-га чысла прымаецца рашэнне аб штурме будынка Тэатральнага цэнтра на Дуброўцы. Штурм пачынаецца пасля 5-й раніцы. Фёдар Савінцаў / ТАСС
Падчас спецаперацыі сілавікі праз вентыляцыю распылілі ўсыпляльны газ, пасля чаго ў будынак ўвайшлі супрацоўнікі МУС і ФСБ. Выкарыстанне газу патлумачылі наяўнасцю ў тэрарыстаў выбуховых рэчываў. Дакладны склад ужытага рэчывы не вядомы да гэтага часу. Антон Дзянісаў / ТАСС
Антон Дзянісаў / ТАСС
Вызваленых закладнікаў складвалі на прыступках Тэатральнага цэнтра. Там жа супрацоўнікі МНС аказвалі першую дапамогу. Неўзабаве ўсё яшчэ абезрухоўленыхі людзей пачалі загружаць у аўтобусы для адпраўкі ў бальніцы. Дзмітрый Лавецкі / AP / Scanpix / LETA
Да раніцы было абвешчана аб ліквідацыі 36 тэрарыстаў і выманні з будынка 67 целаў загінулых закладнікаў. Тады ж з будынку пачалі выносіць людзей, абезрухаваных з-за дзеяння ўсыпляльнага газу. Большую частку пацярпелых адправілі ў гарадскую бальніцу № 13. Валерый Мельнікаў / Коммерсантъ
Пацярпелых развозілі ў бальніцы на аўтобусах. Часта сваякі не ведалі, ці жывыя іх родныя і ў якія бальніцы яны былі адпраўленыя. Аляксей Мякішаў / Коммерсантъ
Пасля высветлілася, што ўсыпляльны газ падзейнічаў не на ўсіх тых, хто знаходзіўся ў будынку: тэрарысты працягвалі адстрэльвацца на працягу 20 хвілін пасля распылення; некаторыя з закладнікаў заставаліся ў свядомасці на ўсім працягу штурму. Валерый Мельнікаў / Коммерсантъ
Валерый Мельнікаў / Коммерсантъ
Усяго ў выніку тэракту загінулі, па розных звестках, ад 130 да 174 закладнікаў. 130 — афіцыйная колькасць загінуўшых, названая сілавікамі. 119 з іх памерлі ў шпіталях пасля вызвалення.