У Маскве распавялі, чаму Святлана Ціханоўская знікла з расійскай базы вышуку

У Міністэрстве ўнутраных спраў Расійскай Федэрацыі расказалі, якім чынам прозвішча лідара дэмакратычнага руху Беларусі выключылі з базы міждзяржаўнага вышуку.

На просьбу агенцтва «РИА Новости« ў ведамстве патлумачылі, што гэта зроблена «на падставе рашэння беларускіх праваахоўнікаў». Сілавыя структуры Беларусі на такую заяву пакуль не адрэагавалі.

Ад канца мая Святлана Ціханоўская сапраўды не значыцца ў спісе асобаў, якіх шукае расійскае МУС. Раней яна фігуравала ў агульнарасійскім і міждзяржаўным вышуку «на падставе артыкулу Крымінальнага кодэксу» (сутнасць не ўдакладнялася).

Улады Беларусі абвясцілі Святлану Ціханоўскую ў вышук паводле ч. 3 арт. 361 за «заклікі да звяржэння канстытуцыйнага ладу і дзеянняў, накіраваных на шкоду нацыяльнай бяспецы».

Паводле «Свабоды».