Палац мастацтваў запрашае на новыя выставы

Культура 12.11.2013

Нібыта пераносішся ў пачатак XX стагоддзя. Такое пачуццё выклікаюць выставы жывапісу беларускіх мастакоў Анатоля Жураўлёва “Даляглады”, Мікалая Дундзіна “Віцебская гісторыя” і Генадзя Козела “Штрых-код”, што экспануюцца ў сталічным Палацы мастацтва да 21 лістапада.

Творчасць мастакоў аб’ядноўваюць эксперыменты з формай, колерам і асвятленнем, характэрныя для шэрагу мастацкіх накірункаў пачатку мінулага стагоддзя, такіх як абстракцыянізм, імпрэсіянізм, канструктывізм, сімвалізм і экспрэсіянізм.

Прапануем вашай увазе некаторыя з выстаўленых карцін. Спадзяемся, што гэта стане нагодай пабачыць выставы на свае вочы.