«Zoom» вырашыла адмовіць дзяржаўным установам Беларусі ў доступе да сервісу

«Zoom Video Communications Inc.» забараніла сваім распаўсюднікам прадаваць сервіс анлайн-канферэнцый дзяржаўным кампаніям у Расіі і СНД.

Пра гэта піша «Радыё Свабода» са спасылкай на публікацыю расійскага выдання «Коммерсантъ». Выданне звязвае гэтае рашэнне з нежаданнем «Zoom» патрапіць пад санкцыі ЗША.

Эксперты таксама звязваюць рашэнне кампаніі «Zoom» з санкцыямі і нежаданнем працаваць на «таксічных» рынках, бо гэта можа паўплываць на кошт акцый на біржы.

У той жа дзень Вышэйшая школа эканомікі Расіі — дзяржаўнае ВНУ — не змагла падоўжыць ліцэнзію «Zoom».