Затрыманы загадчык Навабеліцкай падстанцыі хуткай дапамогі

1 красавіка быў затрыманы загадчык Навабеліцкай падстанцыі хуткай медыцынскай дапамогі Сяргей Анатольевіч Савіч, паведамляюць праваабаронцы.

Як мяркуе адзін са знаёмых мужчыны, нагодай стала паведамленне «добразычлівага калегі» ў сілавыя структуры аб раздрукоўцы «не вайне» ў асабістым аўтамабілі і негатыўнае стаўленне да прыпаркаваных на стаянцы для медтранспарту аўтамабіляў расійскіх вайскоўцаў, якія ён прасіў пераставіць і не перашкаджаць працы машын хуткай дапамогі.
Нядаўна калектыў падстанцыі арганізоўваў збор сродкаў для патрэб параненых вайскоўцаў РФ. Сяргей Савіч не падтрымаў дадзеную ініцыятыву.
Цяпер мужчына знаходзіцца ў ІЧУ.