У Беларусі ўпершыню за шмат гадоў адзначаецца сур'ёзны рост злачыннасці

Падобна на тое, што статус Беларусі як крымінальна дабранадзейнай дзяржавы можа быць перагледжаны: у краіне значна вырасла злачыннасць. Відавочна, па сацыяльна-эканамічных прычынах.

Падчас дакладу ў Аляксандра Лукашэнкі старшыня Следчага камітэта Беларусі Іван Наскевіч паведаміў, што ў студзені-ліпені ў краіне быў адзначаны рост злачыннасці на 8,3% у параўнанні з аналагічным перыядам мінулага года. На 12,3% узрасла колькасць крымінальных спраў, што знаходзіліся ў вытворчасці — з 75 тысяч да 84,2 тысячы. Да крымінальнай адказнасці па справах, перададзеных пракурору для накіравання ў суд, прыцягнута 25,9 тысячы абвінавачаных, што на 1,8% больш, чым у 2018 годзе.
Акрамя таго, паводле дадзеных СК Беларусі рост злачыннасці нязначна, але паскараецца.
Паводле статыстыкі МУС Беларусі, найбольш значны рост злачыннасці ў бягучым годзе адзначаны ў Мінску — адразу амаль на 25%. Асноўны прырост (каля 10%) адбыўся ў катэгорыі менш цяжкіх злачынстваў і злачынстваў, якія не ўяўляюць вялікай грамадскай небяспекі. Амаль палова злачынстваў у Беларусі прыпадае на крадзяжы.
«Крадзяжы — злачынствы, выкліканыя пераважна сацыяльнай неўладкаванасцю асоб, якія іх здзяйсняюць, — адзначаецца ў аглядзе «Беларусь у фокусе». — Усплёск злачыннасці ў Беларусі прыпаў на 90-я гады, якія характарызаваліся глыбокім сацыяльна-эканамічным крызісам, выкліканым распадам савецкай сістэмы. Па меры аднаўлення эканомікі зніжаўся і агульны ўзровень крыміналізацыі беларускага грамадства».
І хоць па выніках аднаго паўгоддзя рана рабіць выснову пра разварот трэнду, эксперты лічаць, што назіраны рост злачыннасці ў Беларусі вельмі значны.
zautra.by