Рух па праспекце Машэрава ў Мінску будзе абмежаваны з-за рэпетыцыі параду

Рух па праспекце Машэрава ў Мінску сёння вечарам будзе абмежаваны, паведамілі БЕЛТА ў ДАІ Мінска. Звязана гэта з рэпетыцыямі зводнай роты ганаровай варты да ўрачыстага параду, прымеркаванага да Дня Незалежнасці Беларусі.



У прыватнасці, з 21.45 да 24.00 будзе абмежаваны рух на ўчастку праспекта Машэрава ад вуліцы Даўмана да праспекта Пераможцаў. Аналагічныя абмежаванні будуць дзейнічаць 13, 16, 18, 21 і 23 чэрвеня.
 

Сталічная Дзяржаўтаінспекцыя рэкамендуе кіроўцам і пасажырам грамадскага транспарту ўлічваць гэтую інфармацыю пры выбары маршруту руху.-0-