Прэзентацыя сайта PALITVIAZNI.INFO

29 лістапада будзе прэзэнтаваны інфармацыйны рэсурс palitviazni.info, на якім змешчаная інфармацыя пра лёсы людзей, якія пацярпелі за свае палітычныя перакананні.



Партал з'яўляецца сатэлітным сайтам Праваабарончага цэнтру “Вясна", да развіцця якога далучылася польская арганізацыя Fundacjа Rozwoju Inicjatyw Demokratycznych.
У межах прэзэнтацыі адбудзецца прагляд дакументальнага фільму “Свечка праўды Алеся Бяляцкага". Відэасюжэт распавядае пра жыццё і дзейнасць праваабаронцы, які па палітычна матываваных абвінавачваннях ад 4 жніўня 2011 году знаходзіцца за кратамі.
Месца правядзення: сядзіба партыі БНФ (г.Мінск, вул. Чарнышэўскага 3). Пачатак а 18.00. Уваход вольны.

Паводле інфармацыі Асамблеі НДА