Прэс-рэліз пасольства ЗША ў Беларусі ў сувязі з трагедыяй у горадзе Ньютаўн, штат Канектыкут

Пасольства ЗША ў Мінску смуткуе разам з амерыканцамі і народамі усяго свету ў сувязі з трагічнымі падзеямі ў горадзе Ньютаўн, штат Канектыкут, якія адбыліся 14 снежня. Як сказаў прэзідэнт Абама, «нашы сэрцы сёння разбіты». У знак смутку па ахвярах Ньютаўна амерыканскі сцяг прыспушчаны над пасольствам, над усімі дзяржаўнымі ўстановамі і марскімі судамі. Хвіліна маўчання пройдзе ў пасольстве ЗША ў панядзелак, 17 снежня. Мы ўдзячныя ўсім, хто ў гэтыя цяжкія хвіліны выказаў словы шчырага спачування.