Недавершаны вулічны партрэт Быкава ў цэнтры Мінска спешна зафарбавалі
Камунальнікі зафарбавалі партрэт Васіля Быкава, які ўчора да 90-годдзя пісменніка на трансфарматарнай будцы ў цэнтры Мінска пачалі маляваць вулічныя мастакі з суполкі Signal.
У такім стане мастакі былі вымушаныя пакінуць партрэт учора. Фота Сяргея Гудзіліна.
Сёння ад партрэта ўжо не засталося сляда. Фота Кірылы Хілька
Аднак мастакі скончылі сваю працу толькі напалову. Учора ўвечары чатырох забрала міліцыя Партызанскага РУУС.
Кожны з мастакоў быў аштрафаваны на 30 базавых велічыняў (4,5 млн. рублёў) за нанясенне шкоды гарадской маёмасці.
Сёння ад партрэта беларускага пісменніка ўжо не засталося і сляда. Яго спешна замалявалі шэрай фарбай.
Наша Ніва