Фэст экскурсаводаў у Гродне перанесены
Фэст экскурсаводаў у гэтыя ўікэнды ў Гродне перанесены. Прычынай сталі папярэджанні праваахоўнікамі гідаў, што іх бясплатныя экскурсіі з’яўляюцца несанкцыянаванымі масавымі
мерапрыемствамі.
Каардынатарка фэсту Тацяна Касатая вымушана была ў апошнія гадзіны папярэджваць патэнцыйных удзельнікаў фэста, што дзеля іх жа бяспекі мерапрыемства перанесена.
Фэст экскурсаводаў у гэтыя ўікэнды ў Гродне перанесены. Прычынай сталі папярэджанні праваахоўнікамі гідаў, што іх бясплатныя экскурсіі з’яўляюцца несанкцыянаванымі масавымі
мерапрыемствамі.
Каардынатарка фэсту Тацяна Касатая вымушана была ў апошнія гадзіны папярэджваць патэнцыйных удзельнікаў фэста, што дзеля іх жа бяспекі мерапрыемства перанесена.
- Беларускі камітэт міжнароднай рады па помніках і мясцінах па ўсёй Беларусі арганізоўвае фэст экскурсаводаў ужо трэці раз запар. Экскурсіі праводзяцца ва ўсіх беларускіх гарадах. Толькі ў Гродне
былі атрыманы папярэджанні, каб фэст не адбыўся. Ён пераносіцца на нявызначаны тэрмін. Усе экскурсіі будзем праводзіць увечары, у зручны для людзей час. Канешне, усё гэта будзе ўзгоднена з гарадскімі
ўладамі.
Фармальна, экскурсаводы ніякіх афіцыйных папярэджанняў не атрымалі. Міліцыянты іх проста прыстрашылі. Да якой ступені абсурдныя паводзіны ўладаў могуць дайсці - ня ведае цяпер ніхто. Здзіўляе, што
такія рэспубліканскія фэсты ўзгоднены арганізатарам - Беларускім камітэтам міжнароднай рады па помніках і мясцінах - з Міністэрствам культуры Беларусі. Мясцовай жа вертыкалі патрэбны асаблівы
дазвол.
Якуб Сушчынскі, Радыё Рацыя, Гродна