Сын кіраўніка ФСБ узначаліў раду дырэктараў беларускага банка ВТБ

Старшынёй рады дырэктараў беларускага Банка ВТБ стаў Дзяніс Бортнікаў. Такое рашэнне было прынята на чарговым пасяджэнні кіраўніцтва банка.

Новы старшыня — сын дырэктара ФСБ Аляксандра Бортнікава, які ўзначальвае расійскую спецслужбу з 2008 года.
Дзяніс Бортнікаў нарадзіўся ў 1974 годзе ў Санкт-Пецярбургу, скончыў тамтэйшы ўніверсітэт эканомікі і фінансаў. Працуе ў банкаўскай сістэме ад 1996 года. Ён займае пасаду намесніка прэзідэнта — старшыні праўлення расійскай групы ВТБ. Гэта дзяржаўная фінансавая структура.
Да Бортнікава старшынёй рады дырэктараў беларускага ВТБ быў Міхаіл Асееўскі, цяпер ён узначальвае «Растэлекам».

«Наша Ніва»