Прафесар БДУ: Беларусы пачалі жыць у пяць разоў лепш
Дэкан эканамічнага факультэта БДУ назваў Беларусь «усходнееўрапейскім тыграм».
Міхаіл Кавалёў у інтэрв'ю soyuz.by падзяліўся сваім меркаваннем аб «эканамічных поспехах» краіны.
«З 1995 года Беларусь вельмі дынамічна развіваецца. ВУП на душу насельніцтва з $3400 вырас да больш чым $16 тысяч у мінулым годзе. Значыць, насельніцтва стала жыць амаль у 5 разоў
лепш. Гэта кітайскія тэмпы росту. Некаторыя эксперты за мяжой у навуковай супольнасці называлі нас «усходнееўрапейскім тыграм». Па тэорыі цыклічнага развіцця, пасля высокіх тэмпаў
росту патрэбны перыяд для перабудовы. Цяпер мы пераходзім ад інтэнсіўных тэмпаў росту да якаснага. Так, у дзяржавы былі больш высокія абавязацельствы, але ў цэлым усё выконваецца. У цэлым я
аптымістычна гляджу ў будучыню», — заявіў Міхаіл Кавалёў.
Пры гэтым, дэкан эканамічнага факультэта паскардзіўся на бар'еры, якія існуюць на шляху беларускіх тавараў у Расію, адзначыўшы, што, нягледзячы на гэта, экспарт туды вырас. Міхаіл Кавалёў
таксама падкрэсліў, што крэдыт у $2 мільярда, абяцаны Масквой, «не істотны» для беларускай эканомікі.