Куды знікае беларускае малако?
Адны шукаюць прычыну перабояў з наяўнасцю малака ў крамах у росце экспарту беларускай прадукцыі ў Расію, іншыя — у празмернай актыўнасці спажыўцоў, узбударажаных чуткамі аб знікненні малака і кефіру.
Як высвятліў карэспандэнт «Завтра твоей страны», у Беларусі ў гэтым годзе прыкметна скараціліся сярэднія надоі і ў цэлым аб'ём вытворчасці малака.
Па дадзеных Міністэрства сельскай гаспадаркі і харчавання, сярэдні надой малака ад каровы ў студзені-верасні 2013 года па параўнанні з аналагічным перыядам мінулага года скараціўся ў краіне на
122 кг. і склаў 3552 кг. У мінусе былі абсалютна ўсе рэгіёны, а больш усяго Віцебская вобласць, дзе надоі знізіліся на 234 кг ад каровы.
У лепшым з дваццаці раёнаў-лідараў — Краснапольскім — сярэдні надой вырас на 342 кг з каровы. Але Краснапольскі раён займае апошняе месца ў краіне па валавой
вытворчасці малака (2 980 тон за 9 месяцаў) і рэальна пазітыўна паўплываць на агульную змрочную карціну не можа.
Па валавой вытворчасці малака сітуацыя выглядае крыху лепш: бо пры скарачэнні ўдояў пагалоўе кароў расло. Так, на 1 кастрычніка ў гаспадарках налічвалася 1,4 млн кароў, што на 3,6% больш, чым у
аналагічны перыяд мінулага года.
У параўнанні з мінулым годам вытворчасць малака склала 4 757 221 тону. Гэта толькі на 0,6% менш, чым было ў 2012 годзе. Прычым, у Гродзенскай і Брэсцкай абласцях назіраўся нават рост
вытворчасці — адпаведна на 3,4% і 1,2%. Валавая вытворчасць скарацілася прыкладна ў
паловы раёнаў — 63.
Але не ўсё малако змагло патрапіць на малаказаводы. З 4 757 221 тон на перапрацоўку паступілі толькі 4 118 500 тон.
