Даляр устанавіў новы абсалютны максімум

Эканоміка

На таргах у пятніцу 6 верасня на Беларускай валютна-фондавай біржы курс даляра дадаў ўсяго 10 рублёў да 9040 беларускіх рублёў. Але гэтага аказалася дастаткова, каб паставіць новага абсалютнага максімуму. Папярэдні рэкорд пратрымаўся цэлых 2 дні. За папярэднія чатыры дні таргоў абсалютны максімум абнаўляўся тройчы.



dollar_sign_instant_winner.jpg

За першы тыдзень верасня беларускі рубель патаннеў да даляра ўжо на 50 рублёў, а за ўвесь жнівень было 110 рублёў. Такім чынам, хуткасць паслаблення нацыянальнай валюты да даляра вырасла ў некалькі разоў.

Калі б у Беларусі не праводзіліся дэнамінацыі (20 жніўня 1994 г беларускі рубель быў дэнамінаваны ў 10 разоў, а 1 студзеня 2000 г. яшчэ ў 1000 разоў), то сёння на таргах за адзін долар прапанавалі б 90.400.000 беларускіх рублёў. (Не блытайце дэнамінацыю і дэвальвацыю. У першым выпадку выпускаюцца новыя купюры, на якіх друкуецца менш нулёў, а ў другім выпадку адна валюта таннее ў адносінах да іншай).


З пачатку 2013 курс амерыканскай валюты дадаў 470 рублёў (за ўвесь 2012 год было 220). Нагадаем, што мінімальны курс даляра ў гэтым годзе — 8570 беларускіх рублёў.
Курс еўра сёння знізіўся на 30 рублёў да 11.860 беларускіх рублёў. Максімальны курс еўра ў гэтым годзе — 11.980 беларускіх рублёў, а мінімальны — 11 100 беларускіх рублёў. Нагадаем, што гістарычны максімум курсу еўра быў устаноўлены двойчы 4 і 9 лістападзе 2011 года — 12.110 беларускіх рублёў.
Курс расійскага рубля не змяняецца ўжо чатыры дні запар і застаецца на ўзроўні 270,5 беларускіх рублёў. Нагадаем, што максімальны курс расійскага рубля ў гэтым годзе даходзіў да 289,5 рублёў, а мінімальны зніжаўся да 265,5 беларускіх рублёў.

select.by